NT.1
Chapir la natira e l'impurtanza da las scienzas natiralas e da la tecnica
Cumpetenza precedenta: NUS.5.3
1
Las scolaras ed ils scolars san descriver vias per s'acquistar enconuschientschas da las scienzas natiralas e reflectar davart lur impurtanza culturala.
renviaments
Fisica, chemia, biologia, tecnica: princips da las scienzas natiralas
NT.1.1
Las scolaras ed ils scolars ...
3
a
- san descriver, co che enconuschientschas da las scienzas natiralas vegnan acquistadas (p.ex. Tge è in'observaziun? Tge è ina dumonda da las scienzas natiralas? Tge è in'ipotesa? Tge è in experiment? Tge rolla giogan las cundiziuns da retschertga?). observaziuns da las scienzas natiralas
- san differenziar enconuschientschas da las scienzas natiralas d'enconuschientschas betg da las scienzas natiralas e declerar a maun d'exempels (p.ex. chemia versus alchemia, astronomia versus astrologia). experimentar cun scienzas natiralas
b
- san s'occupar d'infurmaziuns davart persunalitads specificas (p.ex. Galilei, le Verrier, Adams e Galle, Curie, Einstein, il team enturn Watson e Crick) e deducir da quellas, tge che scienziadas e scienziads fan resp. co ch'els arrivan a lur enconuschientschas.
c
- san metter ensemen tenor instrucziun infurmaziuns davart in'enconuschientscha da las scienzas natiralas sco era chapir e communitgar, co che questa enconuschientscha ha midà nossa concepziun dal mund (p.ex. revoluziun copernicana, scuverta dal liquid dal magun, lescha da gravitaziun, experiment da derasaziun da Rutherford, teoria dals atoms, scuverta da l'energia nucleara, penicillin, scuverta dals gens, teoria dal schlop primar).
d
- san generalisar, co che l'acquist d'enconuschientschas da las scienzas natiralas capita, a tge princips ch'el è suttamess e confruntar quel cun l'acquist d'enconuschientschas betg da las scienzas natiralas. princips da las scienzas natiralas:
il mund è da princip chapibel, soluziuns ston esser simplas, las tesas ston esser objectivas e reproduciblas, ellas èn stabilas, ma tuttina provisoricas, las enconuschientschas han cunfins
- Impressum
- Agid
- Davart il Plan d'instrucziun 21
- La CDEP-T
- Plan d'instrucziun 21 · 29.2.2016